சக்தி மேல்நிலைப்பள்ளி மாணவ, மாணவிகளுக்கு இலவச சைக்கிள் வழங்கிய அந்தியூர் எம்எல்ஏ

அந்தியூர் அடுத்த ஆப்பக்கூடல் அருகே உள்ள நாச்சிமுத்துபுரம் சக்தி மேல்நிலைப்பள்ளி மாணவ, மாணவிகளுக்கு இலவச சைக்கிள்களை ஏ.ஜி.வெங்கடாசலம் எம்.எல்.ஏ. வழங்கினார்.

ஈரோடு மாவட்டம் அந்தியூர் அடுத்த ஆப்பக்கூடல் அருகே நாச்சிமுத்துபுரத்தில் உள்ள சக்தி மேல்நிலைப்பள்ளியில் தமிழக அரசின் இலவச சைக்கிள் வழங்கும் நிகழ்ச்சி இன்று (27ம் தேதி) நடந்தது. தலைமை ஆசிரியர் அவிநாசியப்பன் தலைமை தாங்கினார்.

பள்ளியில் படிக்கும் 115 மாணவ, மாணவிகளுக்கு தமிழக அரசின் இலவச சைக்கிள்களை அந்தியூர் சட்டமன்ற உறுப்பினர் ஏ.ஜி.வெங்கடாசலம் வழங்கினார். இந்நிகழ்ச்சியில், கூத்தம்பூண்டி ஊராட்சி தலைவர் பாவாயி ராமசாமி, திமுக தகவல் தொழில்நுட்ப அணி மாவட்ட துணை ஒருங்கிணைப்பாளர் நாகராஜ் மற்றும் ஆசிரிய, ஆசிரியைகள், மாணவ, மாணவியர்கள் கலந்து கொண்டனர்.

அதனைத் தொடர்ந்து, பி.மேட்டுப்பாளையம் பேரூராட்சி அரசு மேல்நிலைப்பள்ளியில் நடந்த நிகழ்ச்சியில் ஏ.ஜி.வெங்கடாசலம் எம்.எல்.ஏ. கலந்து கொண்டு 41 மாணவ, மாணவிகளுக்கு இலவச சைக்கிள் வழங்கினார். இந்நிகழ்ச்சியில், பேரூராட்சி தலைவர் தனலட்சுமி குமாரசாமி, கோபி வடக்கு ஒன்றிய திமுக செயலாளர் ரவீந்திரன், பேரூர் திமுக செயலாளர் குமாரசாமி உள்பட பலர் கலந்து கொண்டனர்.