கோவையில் புதிதாக 186 பேருக்கு கொரோனா தொற்று; 2 பேர் உயிரிழப்பு
கோவையில் இன்று மீண்டும் கொரோனா பாதிப்புகள் அதிகரித்தன் காரணமாக, தினசரி பாதிப்பில் மீண்டும் கோவை முதலிடம் பிடித்துள்ளது.
கொரோனா பரிசோதனை.
கோவையில் இன்று மீண்டும் கொரோனா பாதிப்புகள் அதிகரித்தன் காரணமாக, தினசரி பாதிப்பில் மீண்டும் கோவை முதலிடம் பிடித்துள்ளது. கோவையில் நேற்றைய தினத்தை விட இன்று 13 பேருக்கு கூடுதலாக தொற்று ஏற்பட்டுள்ளது. கோவையில் இன்று 186 பேருக்கு கொரோனா தொற்று பாதிப்புகள் உறுதியாகியுள்ளது.
இதனால் கோவை மாவட்டத்தில் இதுவரை கொரோனா தொற்று பாதித்தவர்களின் எண்ணிக்கை இரண்டு லட்சத்து 36 ஆயிரத்து 266 ஆக உயர்ந்துள்ளது. மருத்துவமனைகள் மற்றும் சிகிச்சை மையங்களில் 2047 பேர் சிகிச்சை பெற்று வருகின்றனர். நாள்தோறும் சிகிச்சை பெற்று வருபவர்களின் எண்ணிக்கை மீண்டும் அதிகரித்துள்ளது.
இன்று கொரோனா தொற்றில் இருந்து 168 பேர் குணமடைந்து வீடு திரும்பியுள்ளனர். இதனால் குணமடைந்து வீடு திரும்பியவர்களின் எண்ணிக்கை 2 லட்சத்து 31 ஆயிரத்து 951 பேராக உயர்ந்துள்ளது. கொரோனா தொற்று பாதிப்பால் இன்று 2 பேர் உயிரிழந்தனர். கோவை மாவட்டத்தில் இதுவரை உயிரிழந்தவர்களின் எண்ணிக்கை 2268 ஆக அதிகரித்துள்ளது.