'உங்களைத் தேடி உங்கள் ஊரில்' திட்டத்தின் கீழ் மாவட்ட ஆட்சியர் நேரில் ஆய்வு..!
பெரியபாளையம் ஊராட்சி ஒன்றிய தொடக்கப்பள்ளியில் "உங்களைத் தேடி உங்கள் ஊரில்" என்ற திட்டத்தின் கீழ் மாவட்ட ஆட்சியர் டாக்டர்.த.பிரபுசங்கர் ஆய்வு செய்தார்.
திருவள்ளூர் மாவட்டம், எல்லாபுரம் ஒன்றியத்தில் "உங்களைத் தேடி உங்கள் ஊரில்" என்ற திட்டத்தின் கீழ் திருவள்ளூர் மாவட்ட ஆட்சித் தலைவர் டாக்டர்.த.பிரபுசங்கர் பெரியபாளையம் ஊராட்சி ஒன்றிய தொடக்கப்பள்ளியில் மதிய உணவுத் திட்டத்தில் பள்ளி மாணவ,மாணவிகளுக்கு பரிமாறபட்ட உணவின் தரம் குறித்து சாப்பிட்டு பார்த்து ஆய்வு செய்தார்.
தொடர்ந்து பள்ளியில் உள்ள கழிவறை உள்ளிட்டவை ஆய்வு செய்து இந்த ஆய்வின் போது வட்டார வளர்ச்சி அலுவலர்கள் பொற்செல்வி,சத்தியமூர்த்தி, செயற்பொறியாளர் ஊரக வளர்ச்சி ராஜவேல், ஏ.இநரசிம்மன்,ஊத்துக்கோட்டை வட்டாட்சியர் வாசுதேவன்,பள்ளியின் தலைமை ஆசிரியர் பி.ஏ.ஆறுமுகம்,ஊராட்சி மன்ற தலைவர் லட்சுமி திருமலை, ஊராட்சி மன்ற துணைத் தலைவர் மகேஷ், பெரியபாளையம் ஊராட்சி செயலர் ராமச்சந்திரன் மற்றும் உள்ளாட்சி அமைப்பு பிரதிநிதிகள்,அரசுத்துறை அலுவலர்கள் உள்ளிட்ட ஏராளமானோர் உடன் இருந்தனர்.
அப்பொழுது மாணவர்கள் பயன்படுத்தும் கழிவறை கட்டிடத்திற்கு மேற்கூரை அமைத்து தர வேண்டும் என மாணவர்களின் சார்பாக பள்ளி தலைமை ஆசிரியர் கோரிக்கை விடுத்தார்.இதற்கு உரிய நடவடிக்கை எடுப்பதாக கலெக்டர் உறுதி அளித்தார். இதனைத் தொடர்ந்து எல்லாபுரம் வட்டார வளர்ச்சி அலுவலகத்தில் ஒவ்வொரு துறை சார்ந்த அதிகாரிகளின் அறைக்கு சென்று ஒன்றியத்தில் உள்ள பல்வேறு பகுதிகளில் நடைபெற்று வரும் அரசு பணிகளை குறித்தும் அவற்றை சம்பந்தமான கோப்புகளை ஆய்வு செய்தார்.
