திருச்சி மேற்கு தொகுதி அதிமுக வேட்பாளர் பத்மநாதன் மிளகுபாறை பகுதியில் வாக்கு சேகரிப்பு

தமிழகத்தில் ஏப் 6ம் தேதி சட்டமன்ற தேர்தல் நடைபெற உள்ள நிலையில் அதிமுக மற்றும் கூட்டணிக் கட்சி வேட்பாளர்கள் தீவிர பிரச்சாரத்தில் வருகின்றனர்.

அதன்படி திருச்சி மேற்கு சட்டமன்ற தொகுதி அதிமுக வேட்பாளர் பத்மநாதன் திருச்சி மேற்கு தொகுதிக்கு உட்பட்ட ஒத்தக்கடை,பறவைகள் சாலை, மிளகுபாறை சுற்றியுள்ள பகுதிகளில் வீடு வீடாக நடந்து சென்று மக்களை சந்தித்து வாக்கு சேகரித்தார்.

அப்போது முதியோரிடம் காலில் வீழ்ந்து ஆசிர்வாதம் பெற்று வாக்குகள் சேகரித்தார். அவருக்கு அப்பகுதி மக்கள் ஆரத்தி எடுத்து, சால்வை அணிவித்து உற்சாக வரவேற்பு அளித்தனர்.

இந்தப் பிரச்சாரத்தில் அதிமுக முன்னாள் பாராளுமன்ற உறுப்பினர் ரத்தினவேல், மாவட்டத் துணைச் செயலாளர் வனிதா, பாரதிய ஜனதா கட்சியின் மேற்கு தொகுதி ஒருங்கிணைப்பாளர் ஒண்டி முத்து, பொறுப்பாளர் சிட்டி பாபு, இணை பொறுப்பாளர் தாரகேஸ்வரி மற்றும் , அதிமுக கட்சி நிர்வாகிகள் கூட்டணி கட்சி நிர்வாகிகள் என பலர் கலந்து கொண்டு வாக்கு சேகரிப்பில் ஈடுபட்டனர்.