அமைச்சர் நேருவிடம் வாழ்த்து பெற்றார் 54-வது வார்டு தி.மு.க. புஷ்பராஜ்

திருச்சி மாநகராட்சி 54 வது வார்டில் தி.மு.க. வேட்பாளராக புஷ்பராஜ் போட்டியிட்டார். அவர் 2,759 வாக்குகள் பெற்று வெற்றி அடைந்தார்.

இந்த வெற்றியின் மூலம் 54-வது வார்டு மாமன்ற உறுப்பினராக தேர்ந்தெடுக்கப்பட்ட புஷ்பராஜிடம் அதற்கான சான்றிதழை அபிஷேகபுரம் கோட்ட தேர்தல் அதிகாரி வழங்கினார்.

இதனைத்தொடர்ந்து புஷ்பராஜ் தி.மு.க. முதன்மைச் செயலாளரும் தமிழக நகர்ப்புற வளர்ச்சித் துறை அமைச்சருமான கே .என். நேருவை சந்தித்து வாழ்த்து பெற்றார். அப்போது பகுதி செயலாளர் மோகன்தாஸ், வட்ட செயலாளர் மூவேந்திரன் உள்பட நிர்வாகிகள் உடன் சென்றிருந்தனர்.