திருச்சியில் கல்லூரி மாணவி திடீர் மாயம்: போலீசார் விசாரணை

திருச்சி ஸ்ரீரங்கம் கீதாபுரம் அருண் நகரைச் சேர்ந்தவர் ராஜா. இவரது மகள் மகாலட்சுமி (வயது 20). இவர் திருச்சியில் உள்ள ஒரு கல்லூரியில் பி.காம். இரண்டாம் ஆண்டு படித்து வருகிறார்.

இந்நிலையில் சம்பவத்தன்று வீட்டை விட்டு வெளியே சென்ற மகாலட்சுமி, வெகு நேரம் ஆகியும் வீடு திரும்பவில்லை. இதனைத்தொடர்ந்து அவரது தந்தை ராஜா, தாய் மணிமேகலை ஆகியோர் நண்பர்கள் மற்றும் உறவினர்கள் வீடுகளில் தேடினர். ஆனால் மகாலட்சுமி குறித்து எந்த தகவலும் கிடைக்கவில்லை.

இது குறித்து ஸ்ரீரங்கம் போலீசில் பெற்றோர் புகாரளித்தனர். புகாரின் பேரில் இன்ஸ்பெக்டர் அறிவழகன் வழக்கு பதிந்து விசாரணை நடத்தி வருகிறார்.