ஓய்வு பெற்ற அரசு ஊழியர் ஆசிரியர் சங்கத்தின் முசிறி வட்ட கிளை கூட்டம்

தமிழ்நாடு ஓய்வு பெற்ற அனைத்து அரசு ஊழியர், ஆசிரியர் சங்கத்தின் திருச்சி மாவட்டம் முசிறி வட்டகிளை கூட்டம் நடைபெற்றது.

இக்கூட்டத்திற்கு சங்கத்தின் வட்டச் செயலாளர் திருஞானம். தலைமை தாங்கினார். அமல்ராஜ் அனைவரையும் வரவேற்றார். தலைவர் தன் உரையில் சங்க செயல்பாடுகளை விவரித்தார். உறுப்பினர்களுக்கு வரவேண்டிய ஓய்வூதிய நிலுவைத் தொகையை பெற்றுத் தந்ததை கூறினார்.

உறுப்பினர்கள் செல்லப்பன், இலட்சுமணன். ஆகியோர் உரையாற்றினர். தமிழ்ச்செல்வி மருத்துவ காப்பீடு திட்டம் பற்றி விளக்கி கூறினார்.கூட்டத்தில் கலந்து கொண்ட அனைவருக்கும் சங்க உறுப்பினர்  சந்திரசேகரன் தீபாவளியையொட்டி இனிப்பு,காரம், தேநீர் வழங்கி சிறப்பித்தார். இறுதியாக பொருளாளர் சி.செல்வராஜ். வரவு, செலவு அறிக்கை வாசித்து,நன்றி கூற கூட்டம் இனிதே நிறைவு பெற்றது.

இந்த கூட்டத்தில் . நான்கு சதவீத அகவிலைப்படி வழங்கியமைக்கு, தமிழக அரசுக்கு நன்றி தெரிவிப்பது, ஓய்வு பெறும் அனைத்து அரசு அலுவலர்களுக்கும், ஓய்வு பெறும் போது பழைய ஓய்வூதிய திட்டத்தை அமுல்படுத்த வேண்டும் என தமிழக அரசை கேட்டுக்கொள்வது என்பது உள்ளிட்ட தீர்மானங்கள் நிறைவேற்றப்பட்டன.