மண்ணச்சநல்லூர் திமுக வேட்பாளரை விரட்டியடித்த பொதுமக்கள்

தமிழகத்தில் வருகின்ற சட்டமன்றத் தேர்தல் 6ம் தேதி நடைபெற உள்ள நிலையில் திமுக வேட்பாளர்கள் தீவிர பிரச்சாரத்தில் இறங்கியுள்ளனர். திருச்சி மாவட்டம், இனாம் சமயபுரம் மண்ணச்சநல்லூர் சட்டமன்ற தொகுதியில் திமுக சார்பில் போட்டியிடும் வேட்பாளர் கதிரவன். இவர் சமயபுரம் பகுதியில் நேற்று இரவு பிரச்சாரம் மேற்கொண்டார். அப்பொழுது அவரை ஊருக்குள் விடாமல் எங்களுடைய ஓட்டு முத்தரையர் வேட்பாளருக்கே என்று கூறி அவரை முற்றுகையிட்டனர்.

வேட்பாளர் கதிரவன் அப்பகுதி மக்களைப் பார்த்து உங்களுடைய முன்னாள் எம்எல்ஏ யார் என்று தெரியுமா? என்று குரலை உயர்த்தி கேள்வி எழுப்பினார். ஆத்திரமடைந்த பொதுமக்கள் யாராக வேண்டுமானாலும் இருக்கட்டும் இப்போது எங்களுடைய ஓட்டு முத்தரையர் வேட்பாளருக்கே என கோஷமிட்டனர். இதனால் வேட்பாளர் அதிருப்தியில் கிராமத்தின் உள்ளே நுழைய முடியாமல் திரும்பி சென்றுவிட்டார்.