சமயபுரம் மாரியம்மன் கோவில் உண்டியல் காணிக்கை: ரூ.1 கோடி பணம், 2 கிலோ தங்கம்

திருச்சி மாவட்டம், சமயபுரம் மாரியம்மன் கோவிலில் உண்டியல்கள் மூலம் பக்தர்களால் செலுத்தப்படும் காணிக்கைகள் மாதம் 2 முறை எண்ணப்படுவது வழக்கம். ஆனால், இந்த மாதம் பக்தர்களின் வருகை எண்ணிக்கை அதிகமாக இருந்ததால் 3-வது முறையாக நேற்று கோவில் இணை ஆணையர் கல்யாணி மற்றும் இந்து சமய அறநிலைய துறை அதிகாரிகள் முன்னிலையில் கோவிலில் உள்ள 26 உண்டியல்கள் திறந்து எண்ணப்பட்டது. இதில், பத்தர்களின் காணிக்கையாக ரூ.1 கோடியே 5 லட்சத்து, 17 ஆயிரத்து 705-ம், தங்கம் 2 கிலோ 211 கிராமும், வெள்ளி 2 கிலோ 273 கிராமும், வெளிநாட்டு கரண்சிகள்  56-ம் கிடைத்துள்ளதாக கோவில் நிர்வாகம் சார்பில் தெரிவித்துள்ளனர். இந்த உண்டியல் காணிக்கை எண்ணும் பணியில் கோவில் பணியாளர்கள் மற்றும் ஊழியர்கள் பலர் ஈடுபட்டனர்.