திருச்சிக்கு வந்த எடப்பாடி பழனிசாமிக்கு அ.தி.மு.க. சார்பில் வரவேற்பு

தமிழக முன்னாள் முதல் -அமைச்சரும், தற்போதைய எதிர்க்கட்சி தலைவரும், அ.தி.மு.க. இ ணை ஒருங்கிணைப்பாளருமான எடப்பாடி பழனிசாமி ஒருங்கிணைப்பாளர் ஓ பன்னீர்செல்வத்துடன்  திருவாரூர், நாகை உள்ளிட்ட டெல்டா மாவட்டங்களில் மழையால் பாதிக்கப்பட்ட பகுதிகளை நேற்று பார்வையிட்டு ஆய்வு செய்தார். பாதிக்கப்பட்ட மக்களுக்கு நிவாரண உதவிகளையும் வழங்கினார்.

இந்த நிகழ்ச்சியை முடித்துக்கொண்டு சேலம் செல்லும் வழியில் எடப்பாடி பழனிசாமி நேற்று இரவு  11 மணி அளவில் திருச்சிக்கு வந்தார். திருச்சி நம்பர் ஒன் டோல்கேட் அருகில் அவருக்கு அ.தி.மு.க. சார்பில் வரவேற்பு அளிக்கப்பட்டது.

திருச்சி புறநகர் வடக்கு மாவட்ட அ.தி.மு.க. செயலாளரும், முன்னாள் அமைச்சருமான மு. பரஞ்ஜோதி தலைமையில் அளிக்கப்பட்ட இந்த வரவேற்பில் முன்னாள் அமைச்சர்கள், முன்னாள் சட்டமன்ற உறுப்பினர்கள் மற்றும் ஒன்றிய, நகர, பகுதி, கிளை கழக நிர்வாகிகள் திரளான அளவில் கலந்து கொண்டனர்.