மண்ணச்சநல்லூர் தொகுதி அதிமுக வேட்பாளர் பரஞ்சோதி குணசீலத்தில் தீவிர பிரசாரம்
மண்ணச்சநல்லூர் சட்டமன்ற தொகுதி அதிமுக வேட்பாளர் பரஞ்சோதி குணசீலம் பகுதியில் தீவிரமாக வாக்கு சேகரித்தார்.
மண்ணச்சநல்லூர் சட்டமன்ற தொகுதியின் வேட்பாளரும், அதிமுக வடக்கு மாவட்ட செயலாளருமான பரஞ்சோதி இன்று காலை குணசீலம் பிரசன்ன வெங்கடாசலபதி திருகோயிலில் சாமி தரிசனம் செய்த பின்பு குணசீலம், ஆமூர் உள்ளிட்ட 50க்கும் மேற்பட்ட கிராமங்களில் வீதி, வீதியாக வாக்கு சேகரித்தார்.
அவருடன் ஒன்றிய செயலாளர்கள் ஆமூர் ஜெயராமன், ராஜமாணிக்கம், ஆதாளி, ஜெயகுமார், திருப்பைஞ்சீலி ஊராட்சி தலைவர் தியாகராஜன், மாவட்ட மாணவரணி செயலாளர் அறிவழகன், ஜெ.பேரவை மாவட்ட செயலாளர் ரமேஷ், இனாம்கல்பாளையம் ஊராட்சி தலைவர் எம்.ஆர்.வி.பாஸ்கர் உள்ளிட்ட அனைத்து நிர்வாகிகளும் சென்றனர்.