இளம்பெண் குளிப்பதை ரகசியமாக படம் பிடித்த வாலிபர் -பணம் கேட்டு மிரட்டல்..!

கன்னியாகுமரி மாவட்டம் நாகர்கோவில் அருகே பூதப்பாண்டி பகுதியை சேர்ந்த இளம்பெண் ஒருவர் மாவட்ட போலீஸ் சூப்பிரண்டை சந்தித்து புகார் மனு ஒன்று அளித்தார். அந்த மனுவில் எனது மகள் நாகர்கோவிலில் உள்ள மருத்துவமனை ஒன்றில் வேலை பார்த்து வந்தார், அப்போது அவருக்கும் நாகர்கோவில் கிரீன்ஸ் தெருவை சேர்ந்த பார்த்திபன் (வயது 21) என்பவரும் நண்பர்களாக பழகினார்கள்.

இதையடுத்து பார்த்திபன் அடிக்கடி எங்கள் வீட்டிற்கு வந்து சென்றார், இதனால் எங்கள் குடும்பத்தாருக்கும் பார்த்திபனுக்கும் இடையே நெருங்கிய நட்பு ஏற்பட்டது. இந்த நிலையில் பார்த்திபன் நான் வீட்டில் குளிப்பதை ரகசியமாக படம் பிடித்துள்ளார், அந்தப் படத்தை சமூக வலைதளங்களில் வெளியிடுவதாக கூறி வருகிறார்.

படத்தை வெளியிடாமல் இருக்க வேண்டும் என்றால் 50 ஆயிரம் ரூபாய் பணம் தர வேண்டும் என்று கேட்டு மிரட்டி வருகிறார். எனவே சம்பந்தப்பட்ட பார்த்திபன் மீது உரிய நடவடிக்கை எடுக்க வேண்டும், அவரது செல்போனில் இருக்கும் படத்தையும் அழிக்க நடவடிக்கை எடுக்க வேண்டும் என கூறியிருந்தார்.

இளம்பெண் அளித்த புகார் மனு மீது உடனடி விசாரணை நடத்த மாவட்ட காவல் கண்காணிப்பாளர் சைபர் கிரைம் போலீசாருக்கு உத்தரவிட்டார். இது தொடர்பாக விசாரணை மேற்கொண்டன போலீசார் பார்த்திபன் வீட்டிற்கு அதிரடியாக சென்று அவரை கைது செய்தனர்.

இதனிடையே பார்த்திபனிடம் விசாரணை நடத்தியபோது அவர் முன்னுக்குப்பின் முரணாக பேசிய நிலையில் அவரது செல்போனை பரிசோதித்து பார்த்த போது, அதில் பாதிக்கப்பட்ட பெண் குளிப்பது போன்ற வீடியோ காட்சி இருந்தது தெரியவந்தது. இதையடுத்து போலீசார் பார்த்திபனை கைது செய்தனர், மேலும் அவர் மீது வழக்கு பதிவு செய்த போலீசார் அவரிடம் தொடர்ந்து விசாரணை மேற்கொண்டு வருகிறார்கள்.