5 கிலோ இயற்கை உரம் 10 ரூபாய் - நாகர்கோவில் மாநகராட்சி அதிரடி

கன்னியாகுமரி மாவட்டம்,  நாகர்கோவில் மாநகராட்சி,  நுண் உரம் செயலாக்க மையங்கள் மூலமாக வீடுகளுக்கு தேவையான இயற்கை உரம் விற்பனை செய்து வருகிறது. அவ்வகையில், 5 கிலோ உரம் ரூபாய், 10 என்ற மலிவு விலையில் உரமானது விற்பனை நடைபெறுகிறது. பொதுமக்கள் தங்கள் வீடுகளுக்கு தேவையான இயற்கை உரத்தை அருகில் உள்ள நுண் உர செயலாக்க மையங்களில் இருந்து வாங்கிக் கொள்ளலாம்.

மேலும், விளைநிலங்களுக்கு தேவையான உரம்,  1 கிலோ, 1 ரூபாய் என்ற விலையில் விற்பனை செய்யப்படுகிறது. நாகர்கோவில் மாநகராட்சி பகுதியில் உள்ள பொதுமக்கள், உரம் தேவைப்பட்டால் 9442277273 என்ற எண்ணிற்கு தொடர்பு கொண்டு, பெற்று கொள்ளலாம் என,  மாநகராட்சி நிர்வாகம் அறிவித்துள்ளது.