பவானி அருகே வாய்க்காலில் டிராக்டர் தலைகுப்புற கவிழ்ந்து விபத்து

ஈரோடு மாவட்டம், அந்தியூர் பகுதியை சேர்ந்தவர் சுப்பிரமணி. டிரைவரான இவர் அந்தியூர் பச்சாம்பாளையம் பகுதியிலிருந்து டிராக்டரில் செங்கல் கற்களை ஏற்றிக்கொண்டு அம்மாபேட்டை அருகே உள்ள ஊமாரெட்டியூர் நோக்கி சென்று கொண்டிருந்தார்.

அப்போது மணக்காட்டூர் பகுதியில் வந்து கொண்டிருந்த போது டிராக்டர் திடீரென கட்டுப்பாட்டை இழந்து, மேட்டூர் மேற்குக்கரை வாய்க்காலில் தலைகுப்புற கவிழ்ந்து விபத்துக்குள்ளானது.

இதனை பார்த்த அப்பகுதியினர் உடனடியாக டிரைவரை சிறுகாயங்கள் இன்றி பொதுமக்கள் மீட்டனர். தொடர்ந்து விபத்துக்குள்ளான டிராக்டரை இரண்டு மணி நேர போராட்டத்திற்கு பிறகு கிரேன் இயந்திரத்தின் உதவியுடன் பொதுமக்கள் மீட்கப்பட்டது.