மரத்தில் கார் மோதி ஒருவர் பலி; 3 பேர் காயம்

ஈரோடு மாவட்டம் சிவகிரி அருகே உள்ள மலையம்பாளையத்தை சேர்ந்தவர் செந்தில்குமார் ( 35), அர்ஜுனன் ( 48), லக்காபுரம் பரிசல்துறையை சேர்ந்த கந்தசாமி ( 50), அவரது மகன் கவியரசு ( 17) இவர்கள் 4 பேரும்  காரில் சென்று பவானி கூடுதுறையிலிருந்து கோயில் விசேஷத்திற்காக தீர்த்தம் எடுத்து வந்துள்ளனர்.

செந்தில் குமார் காரை ஓட்டிவந்துள்ளார். ஈரோடு கரூர் மெயின்ரோட்டில் சின்னம்மாபுரம் பெட்ரோல் பங்க் அருகில் வந்தபோது, திடீரென கார் கட்டுப்பாட்டை இழந்து ரோட்டின் ஓரத்தில் இருந்த புளிய மரத்தில் மோதியது.இதில் காரில் பயணம் செய்த 4 பேரும் பலத்த காயமடைந்து ஈரோடு அரசு ஆஸ்பத்திரியில் சேர்க்கப்பட்டனர். இவர்களில் அர்ஜுனன் சிகிச்சை பலனின்றி உயிரிழந்தார்.மலையம்பாளையம் போலீ சார் வழக்கு பதிவு செய்து விசாரணை நடத்தி வருகின்றனர்.