ஈரோடு மாவட்டத்தில் அனைத்து கிராம ஊராட்சிகளிலும் நாளை (ஆக.9) கிராம சபைக் கூட்டம்

Erode News, Erode News Today- ஈரோடு மாவட்டத்தில் அனைத்து ஊராட்சிகளிலும் நாளை (9ம் தேதி) காலை 11 மணிக்கு கிராம சபைக் கூட்டம் நடைபெறும் என மாவட்ட ஆட்சியா் ராஜ கோபால் சுன்கரா தெரிவித்துள்ளாா்.

ஈரோடு மாவட்ட ஆட்சியர் ராஜ கோபால் சுன்கரா இன்று (9ம் தேதி) வெளியிட்டுள்ள செய்திக்குறிப்பில் கூறியிருப்பதாவது:- 

ஈரோடு மாவட்டத்திலுள்ள அனைத்து கிராம ஊராட்சிகளிலும் நாளை (9ம் தேதி) வெள்ளிக்கிழமை காலை 11 மணிக்கு சிறப்பு கிராம சபைக் கூட்டம் நடைபெற உள்ளது. கூட்டம் நடைபெறும் இடம் தொடர்புடைய கிராம ஊராட்சிகள் மூலம் பொதுமக்களுக்கு அறிவிக்கப்படும்.

ஈரோடு மாவட்டத்திலுள்ள அனைத்து கிராம ஊராட்சிகளிலும் கலைஞரின் கனவு இல்லம் திட்டம் 2024-25 இலக்கினை அடைய தகுதியான பயனாளிகளை தேர்வு செய்யும் பொருட்டு சிறப்பு கிராம சபைக் கூட்டம் நடைபெற உள்ளது.

அனைத்து கிராம ஊராட்சிகளும் கிராம சபைக் கூட்டங்கள் முறையாக நடைபெறுவதைக் கண்காணிக்கும் பொருட்டு வட்டார அளவில் மற்றும் ஊராட்சி அளவிலான பற்றாளர்கள் நியமிக்கப்பட்டுள்ளனர்.