சத்தியமங்கலம் கடம்பூர் மலைப்பாதை சாலையில் சரிந்து விழுந்த பாறை

Erode Live Updates, Erode Today News, Erode News - சத்தியமங்கலம் அருகே உள்ள கடம்பூர் மலைப்பாதை சாலையில் சரிந்து விழுந்த பாறைகளால் போக்குவரத்து பாதிக்கப்பட்டது.

ஈரோடு மாவட்டம் சத்தியமங்கலம் அடுத்த கடம்பூர் மலைப் பகுதியில் கடந்த சில நாட்களாக இடைவெளி விட்டு மழை பெய்து கொண்டே இருந்தது. இந்த நிலையில் இன்று (12ம் தேதி) சனிக்கிழமை மதியம் கடம்பூர் செல்லும் வழியில் போன் பாறை என்ற இடத்தில் சாலையோரம் இருந்த பாறை சரிந்து சாலையின் நடுவில் விழுந்தது.

இதனால், இருசக்கர வாகனங்கள் மட்டுமே சென்றது.பேருந்து, டெம்போ, லாரி போன்ற வாகனங்கள் செல்ல முடியாமல் சாலையின் இரண்டு புறங்களிலும் அணிவகுத்து நின்றது. தகவலறிந்த கடம்பூர் போலீசார் சம்பவ இடத்திற்கு சென்று போக்குவரத்தை சீர் செய்தனர்.பின்பு ஜேசிபி மூலம் சாலையின் நடுவில் விழுந்து கிடந்த பாறைகளை அப்புறப்படுத்தினர்.

போக்குவரத்து சீராகி வாகனங்கள் சென்றது. சுமார் 2 மணி நேரம் போக்கு வரத்து பாதிக்க பட்டது