சத்தியமங்கலத்தில் நகர வணிகக்குழு உறுப்பினர்கள் போட்டியின்றி தேர்வு
ஈரோடு மாவட்டம் சத்தியமங்கலத்தில் நகர வணிகக்குழு உறுப்பினர்கள் போட்டியின்றி தேர்வு செய்யப்பட்டனர்.
தேர்வு செய்யப்பட்ட உறுப்பினர்களுக்கு சத்தியமங்கலம் நகர்மன்ற தலைவர் ஜானகி ராமசாமி பாராட்டு தெரிவித்த போது எடுத்த படம்.
Erode news, Erode Today News, Erode Live Updates - சத்தியமங்கலத்தில் நகர வணிகக்குழு உறுப்பினர்கள் போட்டியின்றி தேர்வு செய்யப்பட்டனர்.
ஈரோடு மாவட்டம் சத்தியமங்கலம் நகராட்சி சாலையோர வியாபாரிகள் நகர விற்பனை குழு உறுப்பினர்களுக்கான தேர்தல் நடத்துவது குறித்த அறிவிப்பை நகராட்சி நிர்வாகம் வெளியிட்டது.
தமிழ்நாடு சாலையோர வியாபாரிகள் வாழ்வாதார பாதுகாப்பு மற்றும் சாலையோர விற்பனையை ஒழுங்குப்படுத்துதல் விதிகள் படி உறுப்பினர்களுக்கான பதவி காலம் ஐந்தாண்டுகள் ஆகும். தேர்தலுக்கான வேட்பு மனுக்கள் கடந்த ஆகஸ்ட் மாதம் நகராட்சி நிர்வாகத்தின் சார்பில் பெறப்பட்டது.
உறுப்பினர்களாக மாதேஷ், ஏசுவடியான், அன்னலட்சுமி, கிருஷ்ணசாமி, மாணிக்கராஜ், சுந்தரராஜ் ஆகியோர் வேட்புமனு தாக்கல் செய்திருந்தனர். எதிர்த்து யாரும் வேட்புமனு தாக்கல் செய்யாததால் போட்டியின்றி தேர்வு செய்யப்பட்டனர். தேர்வு செய்யப்பட்ட வணிக குழு உறுப்பினர்களுக்கு தேர்தல் நடத்தும் அலுவலர் பழனிக்குமார் சான்றிதழ்கள் வழங்கினார்.
தேர்வு செய்யப்பட்ட உறுப்பினர்களுக்கு சத்தியமங்கலம் நகர்மன்ற தலைவர் ஜானகி ராமசாமி பாராட்டு தெரிவித்தார். ஏ.ஐ.டி.யூ.சி.,சங்க தலைவர் ஸ்டாலின் சிவக்குமார் உடனிருந்தார்.