ஈரோட்டில் இலவச ஆரி எம்பிராய்டரி பயிற்சி பெண்களுக்கு அழைப்பு..!

ஈரோட்டில் கனரா வங்கி கிராமப்புற சுயவேலைவாய்ப்பு பயிற்சி நிலையம் சார்பில், பெண்களுக்கான இலவச ஆரி எம்பிராய்டரி பயிற்சி வகுப்பு வரும் செப்டம்பர் 2ம் தேதி துவங்குகிறது.

கனரா வங்கி கிராமப்புற சுயவேலைவாய்ப்பு பயிற்சி நிலையம் ஈரோடு கொல்லம்பாளையம் கரூர் பைபாஸ் ரோடு ஆஸ்ரம் மெட்ரிக்குலேஷன் பள்ளி வளாகம் 2ம் தளத்தில் செயல்பட்டு வருகிறது.

இந்தப் பயிற்சி நிலையத்தில் பெண்களுக்கான இலவச ஆரி எம்பிராய்டரி பயிற்சி வரும் செப்டம்பர் 2ம் தேதி முதல் அக்டோபர் 9ம் தேதி வரை 30 நாட்கள் நடக்கிறது. பயிற்சி, சீருடை, உணவு ஆகியவை இலவசமாக வழங்கப்படும். பயிற்சி நிறைவில் அரசு சான்றிதழ் வழங்கப்படும்.

ஈரோடு மாவட்டத்தைச் சேர்ந்த 18 முதல் 45 வயதுக்கு உட்பட்டவர்கள் பங்கேற்கலாம். வறுமை கோட்டுக்கு கீழ் உள்ளோருக்கும், 100 நாள் வேலை திட்ட பணியாளர்களும், அவர்களது குடும்ப உறுப்பினர்களுக்கும் முன்னுரிமை வழங்கப்படும்.

விருப்பமுள்ளவர்கள் 0424 2400338, 87783 23213, 72006 50604 என்ற எண்களில் முன்பதிவு செய்து இப்பயிற்சியில் சேரலாம் என தெரிவிக்கப்பட்டுள்ளது.