ஈரோட்டில் தடையை மீறி ஆர்ப்பாட்டம்: இந்து முன்னணியினர் 80 பேர் கைது

Erode Today News, Erode News, Erode Live Updates - ஈரோட்டில் தடையை மீறி ஆர்ப்பாட்டத்தில் ஈடுபட்ட இந்து முன்னணியினர் 80 பேர் போலீசார் கைது செய்தனர்.

ஈரோடு மாநகர் மாவட்டம் இந்து முன்னணி சார்பாக இன்று நடத்தப் பட்ட “கோவில்களை மட்டும் சீரழிக்கும் அரசே கோவிலை விட்டு வெளியேறு” என்று மாநிலம் தழுவிய ஆர்ப்பாட்டம் மாநிலம் தழுவிய ஆர்ப்பாட்டம் மூலப்பாளையம் அண்ணமார் பெட்ரோல் பங்க் அருகில் நடைபெற்றது.

இந்த ஆர்ப்பாட்டத்திற்கு இந்து முன்னணியின் மாநகர் மாவட்ட பொதுச் செயலாளர் கார்த்தி தலைமை தாங்கினார். பாரதிய ஜனதா கட்சி மற்றும் பல்வேறு அமைப்பினர் ஆதரவு தெரிவித்திருந்தனர். இந்த ஆர்ப்பாட்டத்திற்கு 40 பெண்கள் உட்பட 250-க்கும் மேற்பட்டோர் கலந்து கொண்டனர்.

போலீசார் ஆர்ப்பாட்டத்திற்கு அனுமதி மறுத்திருந்தனர். எனினும் தடையை மீறி ஆர்ப்பாட்டத்தில் ஈடுபட்ட இந்து முன்னணியினர், பாரதிய ஜனதா கட்சி நிர்வாகிகள் உள்பட 80க்கும் மேற்பட்டோர் கைது செய்யப்பட்டு அருகில் உள்ள திருமண மண்டபத்தில் தங்க வைக்கப்பட்டுள்ளனர்.