பாப்பிரெட்டிப்பட்டி அருகே ஏ. பள்ளிபட்டியில் உழவர் தின விழா

தர்மபுரி மாவட்டம், பாப்பிரெட்டிப்பட்டி அடுத்த ஏ.பள்ளிப்பட்டியில் உழவர் தினவிழா வேளாண்மை உதவி இயக்குனர் மோகன் தலைமையில் நடைபெற்றது.

வட்டார தொழில்நுட்ப மேலாளர் சரவணன் வரவேற்றார். இந்த உழவர் தின விழாவில் வேளாண்மை, தோட்டக்கலை , பட்டு வளர்ச்சி, வனம், பொறியியல்துறை சார்ந்த அலுவலர்கள் கலந்து கொண்டு அந்தந்த துறைகளின் சார்பில் உள்ள திட்டங்கள் குறித்து உள்ளவர்களிடம் விளக்கினர்.

இந்த நிகழ்ச்சியில் தொழில்நுட்ப மேலாளர் திருப்பதி, வேளாண்மை காப்பீட்டு நிறுவன அலுவலர் பொன்குமார் உள்ளிட்ட பல்துறை அலுவலர்கள் கலந்து கொண்டனர்.