இந்தியாவில் 6 மாதத்தில் குழந்தைகளுக்கு தடுப்பூசி ரெடி: சீரம் நிறுவனம்
இந்தியாவில் இன்னும் 6 மாதங்களில், 3 வயதுக்கு மேற்பட்ட குழந்தைகளுக்கான தடுப்பூசி தயாராகும் என்று, சீரம் இன்ஸ்டிடியூட் நிறுவனம் தெரிவித்துள்ளது.
கொரோனா பெருந்தொற்றுக்கு, இந்தியாவில் கடந்த ஜனவரி 2021 முதல் தடுப்பூசி செலுத்தப்பட்டு வருகிறது. கோவிஷீல்டு, கோவாக்சின் தடுப்பூசிகளை அரசே இலவசமாக வழங்குகிறது. அத்துடன், தனியார் மருத்துவமனைகளில் ஸ்புட்னிக்-வி தடுப்பூசியும் கிடைக்கிறது. நாட்டில் இதுவரை, இதுவரை 130 கோடிக்கும் மேலான தடுப்பூசிகல் செலுத்தப்பட்டுள்ளன.
தடுப்பூசிகள் இதுவரை, 18 வயதுக்கு மேற்பட்டவர்களுக்கு மட்டுமே செலுத்தப்பட்டு வருகிறது. குழந்தைகளுக்கு இன்னமும் தடுப்பூசி வழங்கப்படவில்லை. எனினும், 12-வயதுக்கு மேற்பட்ட சிறுவர்களுக்கு, ஜைடஸ் கடிலா நிறுவனத்தின் சைகோவ் - டி தடுப்பூசிக்கு அனுமதி தரப்பட்டுள்ளது. அதே நேரம், 12-வயதுக்கு கீழான சிறுவர்களுக்கான தடுப்பூசிக்கு, அரசு இதுவரை ஒப்புதல் தரவில்லை.
இச்சூழலில், இந்தியாவில் அடுத்த 6 மாதங்களில், 3 வயதுக்கு மேற்பட்ட குழந்தைகளுக்கு செலுத்தும் வகையில் தடுப்பூசி என்று சீரம் இன்ஸ்டிடியூட் நிறுவனத்தின் தலைவர் அடர் பூனவல்லா தெரிவித்துள்ளார். டெல்லி சிஐஐ மாநாட்டில் பேசிய அவர், தற்போது பரிசோதனையில் உள்ள இந்த தடுப்பூசி நல்ல செயல்திறன் கொண்டிருக்கிறது என்று மேலும் தெரிவித்தார்.