கர்ப்பிணிகளே.. நார்ச்சத்து உணவு சாப்பிடுங்க..! குழந்தையின் மூளை வளரும்..!

Insufficient dietary fiber intake in mothers may slowdown the Baby's brain growth in tamil, Insufficient dietary fiber intake in mothers may slowdown the Baby's brain growth, Japan researchers proved in animal experiments, Dr Kunio Miyake the University of Yamanashi

கர்ப்ப காலத்தில் ஊட்டச்சத்து குறைபாடு ஏற்படுவது குழந்தைகள் வளர்ந்தபின் அவர்களுக்கு நோய்கள் ஏற்படுவதற்கான காரணிகளில் ஒன்றாக இருக்கிறது என்று ஆராய்ச்சியாளர்கள் கூறுகின்றனர்.

தாய்வழியாக குழந்தைகளுக்கு கிடைக்கும் ஊட்டச்சத்துக் குறைபாடு உலகளாவிய பிரச்னையாக உள்ளது. கர்ப்ப காலத்தில் தாய் குறைந்த அளவு நார்ச்சத்து உணவு உட்கொள்வதால், குழந்தையின் மூளை நரம்பு செயல்பாட்டைக் குறைப்பதாக விலங்குகளின் மீதான பரிசோதனைகளில் நிரூபிக்கப்பட்டுள்ளது.

தாய்வழி ஊட்டச்சத்து ஏற்றத்தாழ்வு மற்றும் குழந்தையின் மூளை வளர்ச்சி ஆகியவற்றுக்கு இடையேயான உறவின் முதல் மனிதக்கூட்டு ஆய்வில் அதே விளைவுகள் மக்களிடையே கண்டறிவதற்கான சோதனையை ஜப்பான் ஆராய்ச்சியாளர்கள் இப்போது நடத்தியுள்ளனர்.

"ஜப்பானில் உள்ள பெரும்பாலான கர்ப்பிணிப் பெண்கள் பரிந்துரைக்கப்பட்ட உணவை விட குறைவான நார்ச்சத்து உணவை உட்கொள்கின்றனர்" என்று யமனாஷி பல்கலைக்கழக ஆராய்ச்சியாளரும், ஃபிரான்டியர்ஸ் இன் நியூட்ரிஷனில் வெளியிடப்பட்ட ஆய்வின் முதல் ஆசிரியருமான டாக்டர் குனியோ மியாகே கூறினார்.

அவர் கூறும்போது, "எங்கள் முடிவுகள் வலுவூட்டுவதாக இருக்கின்றன. கர்ப்ப காலத்தில் ஊட்டச்சத்து குறைபாடு குழந்தைகளில் நரம்பியல் வளர்ச்சி தாமதமாகும் அபாயத்தை ஏற்படுத்தும்  சான்றுகளாக உள்ளன."

அதிக நார்ச்சத்து உணவு உட்கொள்ளும் குழுவுடன், குறைந்த நார்ச்சத்து உட்கொள்ளும் குழுக்களில் உள்ள தாய்மார்களின் குழந்தைகளை ஒப்பிடுகையில், நரம்பியல் வளர்ச்சியில் தாமதம் ஏற்படுவதை காட்டுவதற்கான வாய்ப்புகள் அதிகம்.

தாய்வழியாக குழந்தைக்கு கிடைக்கும் நார்ச்சத்து குறைபாட்டின் விளைவு, மூளை செயல்பாடு தொடர்பான பல களங்களில் கவனிக்கத்தக்கதாக உள்ளது. தொடர்பு திறன், சிக்கலைத் தீர்க்கும் திறன் மற்றும் தனிப்பட்ட-சமூகத் திறன் ஆகியவை பாதிக்கப்பட்டிருப்பதை காணமுடிந்தது. பெரிய உடல் பாகங்களின் இயக்கம் மற்றும் ஒருங்கிணைப்பு மற்றும் சிறிய தசைகளின் ஒருங்கிணைப்பு ஆகியவற்றின் வளர்ச்சியிலும் தாமதங்கள் ஏற்படுவதை ஆராய்ச்சியாளர்கள் கண்டறிந்தனர்.

ஆராய்ச்சியாளர்களின் முடிவுகள் ஜப்பான் சுற்றுச்சூழல் மற்றும் குழந்தைகள் ஆய்வில் இருந்து 76,000 க்கும் மேற்பட்ட தாய்-குழந்தை ஜோடிகளின் பகுப்பாய்வின் அடிப்படையில் அமைந்தன. சுற்றுச்சூழல் குழந்தைகளின் ஆரோக்யத்தை எவ்வாறு பாதிக்கிறது என்பதை தெளிவுபடுத்துவதை நோக்கமாகக் கொண்ட ஒரு தொடர்ச்சியான திட்டமாகும்.

பங்கேற்ற கர்ப்பிணி தாய்மார்களின் உணவுத் தகவல்களைச் சேகரிக்க, விஞ்ஞானிகள் உணவு பயன்பாட்டு கேள்வித்தாளைப் பயன்படுத்தினர். இது கர்ப்பத்தின் இரண்டாவது மற்றும் மூன்றாவது என மூன்று மாதங்களில் அவர்களின் உணவு நிலை குறித்து பதிலளித்தவர்களிடம் கேட்கப்பட்டது.

பிள்ளைகளுக்கு மூன்று வயது ஆனவுடன் பெற்றோருக்கு அனுப்பப்பட்ட மற்றொரு கேள்வித்தாளில் வளர்ச்சி தாமதங்கள் மதிப்பிடப்பட்டன. பெற்றோரின் பதில்களின் அடிப்படையில், தாய்வழி நார்ச்சத்து உட்கொள்ளலுக்கும் குழந்தையின் மூளை வளர்ச்சிக்கும் இடையே உள்ள தொடர்பை ஆராய்ச்சியாளர்கள் காட்டினர்.

"கர்ப்பிணி பெண்களுக்கு ஊட்டச்சத்து வழிகாட்டுதல் முக்கியமானது: ஜப்பானில் சராசரி நார்ச்சத்து உணவு உட்கொள்ளல் ஒரு நாளைக்கு 10 கிராமுக்கு மேல் இருப்பதாக ஆராய்ச்சியாளர்கள் கண்டறிந்துள்ளனர். ஜப்பானிய கர்ப்பிணிப் பெண்களில் 8.4 சதவீதம் பேர் மட்டுமே போதுமான நார்ச்சத்தை உட்கொண்டனர்.

கர்ப்பிணிப் பெண்களுக்கு பரிந்துரைக்கப்பட்ட நார்ச்சத்து உட்கொள்ளல் மாறுபடுகிறது என்பதையும் அவர்கள் சுட்டிக்காட்டினர். ஜப்பானில் பரிந்துரைக்கப்படும் தினசரி நார்ச்சத்து உணவு ஒவ்வொரு நாளும் 18 கிராம், அமெரிக்கா மற்றும் கனடாவில் இது 28 கிராம். "கர்ப்பிணி தாய்மார்களுக்கு அவர்களின் குழந்தைகளுக்கு எதிர்கால உடல்நலப் பிரச்னைகளின் அபாயத்தைக் குறைக்க ஊட்டச்சத்து வழிகாட்டுதல் முக்கியமானது என்பதை எங்கள் ஆய்வு முடிவுகள் காட்டுகின்றன. ” என்றார் மியாகே.

ஆராய்ச்சியாளர்கள் தங்கள் ஆய்வின் சில வரம்புகளையும் சுட்டிக்காட்டினர். "மனித ஆய்வுகள் மீது நடத்தப்பட்ட இந்த ஆய்வு, நார்ச்சத்து உணவின் விளைவுகளை மட்டுமே மதிப்பிட முடியாது. இந்த ஆய்வு கர்ப்ப காலத்தில் ஃபோலிக் அமிலம் உட்கொள்வதால் ஏற்படும் தாக்கத்தை கருத்தில் கொண்டாலும், மற்ற ஊட்டச்சத்துக்களும் குழந்தைகளின் வளர்ச்சி மீதான தாக்கத்தை ஏற்படுத்துவதற்கான சாத்தியக்கூறுகள் இருப்பதையும் முற்றிலும் நிராகரித்துவிட முடியாது," என்று மியாகே சுட்டிக்காட்டினார்.

மேலும் கூறும்போது "கூடுதலாக, சப்ளிமெண்ட்ஸில் இருந்து நார்ச்சத்து உணவு உட்கொள்ளலை ஆராய முடியாது." என்பதையும் தெளிவுபடுத்தினார்.