பெண் கல்வி குறித்து பேசிய உதவி ஆய்வாளருக்கு நடிகர் தாடி பாலாஜி வாழ்த்து

பென்னலூர் பேட்டை பகுதியில் பெண் குழந்தைகள் கல்வி குறித்து பேசிய வீடியோ சமூக வலைத்தளங்களில் வைரலான நிலையில் பயிற்சி உதவி காவல் ஆய்வாளர் பரமசிவனை, நடிகர் தாடி பாலாஜி நேரில் சந்தித்து வாழ்த்து. தெரிவித்தார்

இவர் பேசிய வீடியோ சமூக வலைத்தளங்களில் வைரல் ஆனது. இச்சம்பவம் குறித்து அறிந்த முதல்வர் மு க ஸ்டாலின் அவரது ட்விட்டர் பக்கத்தில், காவல் உதவி ஆய்வாளருக்கு வாழ்த்துகளை தெரிவித்திருந்திருந்தார். அதைத்தொடர்ந்து நடிகர் தாடி பாலாஜி, சமூக வலைத்தளங்களில் வீடியோ ஒன்றை பதிவிட்டு வாழ்த்துகள் தெரிவித்ததோடு நேரில் வந்து சந்திப்பதாகவும் தெரிவித்திருந்தார்.

அதை தொடர்ந்து நேற்று பென்னலூர் பேட்டை காவல் நிலையத்திற்கு நேரடியாக வந்து பயிற்சி உதவி காவல் ஆய்வாளர் பரமசிவனை நேரில் சந்தித்து மாலை மற்றும் சால்வை அணிவித்து நேரில் வாழ்த்துகளை தெரிவித்தார். அதைத் தொடர்ந்து அவர் செய்தியாளர்களுக்கு அளித்த பேட்டியில், விழிப்புணர்வு ஏற்படுத்தும் விஷயங்களில் எந்த நேரமும் தொடர்பு கொண்டாலும் சமூக விழிப்புணர்வு ஏற்படுத்தும் விசயங்களில் தன் பங்கு இருக்கும். சமூக விழிப்புணர்வு ஏற்படுத்தும் படங்களில் தற்போது வந்துள்ள. செல்வராகவன் படம், சாட்டை, விடுதலை, சூர்யாவின் ஜெய்பீம் போன்ற திரைப்படங்கள் அனைத்து மக்களிடம் சென்றடைந்துள்ளன. மக்களின் ரசிப்புத்தன்மையும், பேராதரவும் தயாரிப்பாளர்களுக்கும் இயக்குநர்களுக்கும் நம்பிக்கையை அளித்துள்ளது.

.தமிழக அரசு காவல்துறைக்கு பல்வேறு உதவிகள் செய்து வருகிறது. முதலமைச்சர் காவல்துறையினரின் குறைகளை குறுகிய காலத்தில் விரைந்து முடிப்பார்கள். ஜெய்பீம் படத்தில் சூர்யா நடித்திருக்கும் கதாபாத்திரம் மிகவும் பிடித்திருந்தது. அது போன்ற கதாபாத்திரத்தில் நடிக்க விருப்பம் உள்ளது. விரைவில் அதுபோன்ற வாய்ப்பு தனக்கு கிடைக்கும். அதை சரியாக பயன்படுத்துவேன் நடிகரில் தனக்கு நாகேஷும் நடிகையில் தனக்கு நயன்தாராவும் பிடிக்கும். வேறு பணிக்காக தற்போது நடிக்கவில்லை. அரசியலில் ஈடுபட தனக்கு விருப்பமுள்ளது. விரைவில் அரசியலுக்கு வந்தாலும் ஆச்சரியப்படுவதற்கு இல்லை என்றார் நடிகர் தாடிபாலாஜி.