போதை மாத்திரை விற்ற 4 பேர் கைது

.பூந்தமல்லி அருகேபள்ளி மற்றும் கல்லூரி மாணவர்களுக்கு போத மாத்திரை விற்பனை செய்த நான்கு நபர்கள் காவல்துறையினர் கைது செய்யப்பட்டனர்.

பூந்தமல்லி மற்றும் அதனை சுற்றி உள்ள பகுதிகளில் உள்ள பள்ளி மற்றும் கல்லூரி மாணவர் களுக்கு போதை மாத்திரைகள் விற்பனை செய்யப்படுவதாக வந்த ரகசிய தகவலையடுத்து பூந்தமல்லி போலீசார் தீவிரமாக கண்காணித்து வந்தனர்.,

இந்த நிலையில் பூந்தமல்லி பகுதியில சந்தேகத்திற்கிடமாக மோட்டார் சைக்கிளில் வந்த இரண்டு மோட்டார் சைக்கிள்களில் வந்தவர்களை போலீசார் மடக்கி சோதனை செய்தனர். அப்போது அவர்கள் வைத்திருந்த பையில் சோதனை செய்ததில் தடை செய்யப்பட்ட போதை மாத்திரைகள் இருப்பது தெரிய வந்தது.

இதையடுத்து நான்கு பேரையும் கைது செய்து விசாரணை நடத்தியபோது, முகப்பேர் மேற்கு பகுதியை சேர்ந்த ஆகாஷ்(23), மாறன்(22), சீனு ராஜ்(19), ஆனந்த்(19), என தெரிய வந்தது. அவர்களிடம் இருந்து 124 அட்டைகள் போதை மாத்திரைகள் பறிமுதல் செய்யப்பட்டன.

மேலும் இவர்கள் ஹைதராபாத்தில் இருந்து போதை மாத்திரை களை வாங்கி வந்தது தெரிய வந்தது, மேலும் இவர்களிடமிருந்து இரண்டு மோட்டார் சைக்கிள்கள் பறிமுதல் செய்து காவல் நிலையத்திற்கு நான்கு பேரை அழைத்து வந்து வழக்கு பதிவு செய்து விசாரணை மேற்கொண்டு வருகின்றனர்.