பெரியபாளையத்தில் காங்கிரஸ் கட்சியினர் நடைபயண யாத்திரை

திருவள்ளூர் மாவட்டம் பெரியபாளையத்தில் 75ஆம் ஆண்டு சுதந்திர தினத்தை முன்னிட்டு காங்கிரஸ் கட்சி சார்பில் வெள்ளையனே வெளியேறு இயக்க நாளையொட்டி பாதயாத்திரை நடைபெற்றது. இந்த நிகழ்ச்சிக்கு திருவள்ளூர் வடக்கு மாவட்ட காங்கிரஸ் கமிட்டி தலைவர் ஏ.ஜி.சிதம்பரம் தலைமை வகித்தார்.

நிகழ்ச்சியில் சிறப்பு அழைப்பாளர்களாக மாநில பொது செயலாளர் பொன்னேரி சட்டமன்ற உறுப்பினர் துரை சந்திரசேகரன்,தமிழக மகிளா காங்கிரஸ் தலைவர் சுதா ராமகிருஷ்ணன், ஆகியோர் கலந்து கொண்டு பாதயாத்திரையை தொடங்கி வைத்தார். இந்த நிகழ்ச்சியில் 200க்கும் மேற்பட்டோர் பேரணி காங்கிரஸ் கொடியினை ஏந்தியபடி கும்மிடிப்பூண்டி நோக்கி பேரணியாக சென்றனர்.

சுதந்திர போராட்டத்தின் போது வெள்ளையனே வெளியேறு இயக்கத்தை போல தற்போதைய சூழலில் இந்தியாவை சீரழிக்கும் பா.ஜ.க.வே வெளியேறு என்பதை வலியுறுத்தி பாதயாத்திரையாக சென்றனர். இந்தியாவின் வளர்ச்சியை முடக்கி மத நல்லிணக்கத்தை சீர்குலைக்கிற பா.ஜ.க.வே வெளியேறு என்பதை முழங்கும் வகையில் தொடர் பாத யாத்திரை சென்று கும்மிடிப்பூண்டியில் முடிவடைந்தது. இதில் நிர்வாகிகள் ஏகாட்டூர் ஆனந்தன், மாநில வழக்கறிஞர் அணி துணை தலைவர் ஹிமாலயா அருண் பிரசாத், கும்மிடிப்பூண்டி சம்பத், பெரியசாமி, எல்லாபுரம் வட்டார தலைவர்கள் மூர்த்தி,சிவசங்கரன், ஆகியோர் உட்பட பலர் கலந்து கொண்டனர்.