கணவருடன் தகராறு; கைக் குழந்தைகளுடன் தாய் தற்கொலை.

திருவள்ளூர் மாவட்டம், திருநின்றவூர் நடுக்குத்தகை பகுதியை சேர்ந்தவர் ரமேஷ் ( பெயிண்டர்). இவருக்கு கடந்த 4 ஆண்டுகளுக்கு முன் கௌரி என்ற பெண்ணுடன் திருமணமாகி லிசா என்ற மகளும், அஸ்வின் என்ற மகனும் உள்ளனர்.

கௌரியின் கணவரான ரமேஷ் குடிப்பழக்கத்திற்கு அடிமையாகி நாள்தோறும் குடித்து விட்டு குடும்ப செலவிற்கு பணம் தராமல் இருந்து வந்தார். இந்நிலையில், இன்று காலை மனைவி கௌரியிடம் குடிப்பதற்காக பணம் கேட்டு தகராறு செய்து வெளியே சென்று விட்டார்.

இந்த தகறாறு காரணமாக மன உளைச்சலில் இருந்த கௌரி வீட்டின் மேற்கூரையில் உள்ள இரும்பு பைப்பிள் புடவையால் இரண்டு குழந்தைகளுக்கு தனித்தனியே தூக்கு மாட்டினார். பின்னர் தானும் தூக்கிட்டு தற்கொலை செய்து கொண்டனர்.

இதனையடுத்த, கீழ் வீட்டில் குடியிருக்கும் நபர் ஒருவர் ஜன்னல் வழியே பார்த்தபோது மூவரும் தூக்கில் தொங்கிய நிலையில் உள்ளதை கண்டு அதிர்ச்சியடைந்தார். உடனடியாக ஜன்னல் வழியே நுழைந்து அவர்களை மீட்டு சிகிச்சைக்காக திருநின்றவூர் தனியார் மருத்துவமனைக்கு அழைத்துச் சென்றனர்.

ஆனால், மூவரும் வரும் வழியிலேயே இறந்து விட்டதாகத் மருத்துவர்கள் தெரிவித்துள்ளனர். இதனையடுத்து திருநின்றவூர் போலீசாருக்கு தகவல் தெரிவிக்கப்பட்டது. மூவரின் உடலை மீட்ட போலீசார் பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர்.

இந்த சம்பவம் குறித்து கௌரியின் கணவரான ரமேஷிடம் தற்போது போலீசார் விசாரணை மேற்கொண்டு வருகின்றனர். திருமணமாகி 4 ஆண்டுகள் ஆன நிலையில் வழக்கு திருவள்ளூர் திருவுருவம் ஆர்டிஓ விசாரணைக்கு பரிந்துரை செய்துள்ளனர்.