எருமப்பட்டி, காளப்பநாயக்கன்பட்டி பகுதிகளில் 16 ஆம் தேதி மின்தடை

நாமக்கல் மாவட்டத்தில் உள்ள ஒவ்வொரு துணை மின் நிலையங்களிலும் பராமரிப்பு பணிகள் நடத்தப்பட்டு வருகிறது. பராமரிப்பு பணிகள் நடைபெறும்போது அந்தந்த பகுதிகளில் மின்விநியோகம் நிறுத்தப்படும். அதன்படி, தற்போது, எருமப்பட்டி மற்றும் காளப்பநாயக்கன்பட்டி பகுதிகளில் பராமரிப்பு பணிகள் நடைபெற உள்ளது.

இதுகுறித்து நாமக்கல் மின்வாரிய செயற்பொறியாளர் நாகராஜன் வெளியிட்டுள்ள அறிக்கையில் கூறியுள்ளதாவது:

நாமக்கல் மாவட்டம் எருமப்பட்டி துணை மின் நிலையத்தில் பராமரிப்பு பணிகள் நடைபெற உள்ளதால், வரும் 16 ஆம் தேதி வியாழக்கிழமை காலை 9 மணி முதல் மாலை 5 மணிவரை மின்சாரம் நிறுத்தப்படும். இதனால் எருமப்பட்டி, வரகூர், பொட்டிரெட்டிப்பட்டி, அலங்காநத்தம், தோட்டமுடையாம்பட்டி, நவலடிப்பட்டி, பவித்திரம், தேவராயபுரம், முன்டான்செட்டி, வரதராஜபுரம், சிங்களங்கோம்பை, காவக்காரப்பட்டி, பவித்திரம்பதூர், செல்லிபாளையம், கஸ்தூரிப்பட்டி உள்ளிட்ட பகுதிகளில் வரும் 16ம் தேதி காலை 9 மணி முதல் மாலை 5 மணிவரை மின்சார விநியோகம் இருக்காது என தெரிவிக்கப்பட்டுள்ளது.

காளப்பநாயக்கன்பட்டி:

நாமக்கல் மாவட்டம் காளப்பநாயக்கன்பட்டி துணை மின் நிலையத்தில் பராமரிப்பு பணிகள் நடைபெற உள்ளதால் வரும் 16 ஆம் தேதி வியாழக்கிழமை காலை 9 மணி முதல் மாலை 5 மணிவரை மின்சாரம் நிறுத்தப்படும். இதனால் காளப்பநாயக்கன்பட்டி, பேளுக்குறிச்சி, திருமலைப்பட்டி, கொல்லிமலை, காரவள்ளி, ராமநாதபுரம்புதூர், பள்ளம்பாறை, உத்திரகிடிகாவல், துத்திக்குளம் உள்ளிட்ட பகுதிகளில் வரும் 16ம் தேதி காலை 9 மணி முதல் மாலை 5 மணிவரை மின்சார விநியோகம் இருக்காது என நாமக்கல் மின்வாரிய செயற்பொறியாளர் நாகராஜன் வெளியிட்டுள்ள அறிக்கையில் தெரிவிக்கப்பட்டுள்ளது.