தமிழ்நாட்டில் 40 தொகுதிகளிலும் திமுக வெல்லும் : அமைச்சர் டிஆர்பி ராஜா நம்பிக்கை

Coimbatore News, Coimbatore News Today- தமிழ்நாடு முன்னாள் முதலமைச்சரும், திமுக தலைவருமான கருணாநிதியின் பிறந்த நாள் இன்று கொண்டாடப்பட்டு வருகிறது. பல்வேறு பகுதிகளில் திமுகவினர் அவரது பிறந்த நாளை உற்சாகமாக கொண்டாடி வருகின்றனர்.

இதன் ஒரு பகுதியாக கோவை டாடாபாத்தில் உள்ள மாவட்ட திமுக அலுவலகத்தில், கோவை மாநகர் மாவட்ட திமுக செயலாளர் நா.கார்த்திக் தலைமையில் பிறந்த நாள் விழா கொண்டாடப்பட்டது. அப்போது கருணாநிதியின் திருவுருவப் படத்திற்கு அமைச்சர் டிஆர்பி.ராஜா மலர் தூவி மரியாதை செலுத்தினார்.

இந்த நிகழ்ச்சியை தொடர்ந்து அமைச்சர் டிஆர்பி ராஜா செய்தியாளர்களை சந்திந்து பேசினார். அப்போது பேசிய அவர், ”கருணாநிதி நூற்றாண்டு விழாவை ஒட்டி ஒட்டுமொத்த தமிழகம் கொண்டாடி வருகிறது. அவரது திருவுருவ படத்திற்கு மலர் தூவி அவருக்கு மரியாதை செலுத்தினோம். தமிழகத்தின் வளர்ச்சிக்கு இந்தியாவில் ஜனநாயகம் காப்பாற்றப்படுகிறது என்றால் அதற்கு முதல் காரணம் கருணாநிதி தான். ஒட்டு மொத்த இந்திய அரசியலிலும் வெற்றியை மட்டுமே கண்ட தலைவர். இன்றைய நாளில் அவரை கொண்டாடி வருகிறோம்.

முதலமைச்சர் தமிழகத்திற்கு மூன்றே ஆண்டுகளில் மகத்தான சாதனைகள், மகத்தான நலத்திட்டங்களை பொது மக்களுக்கு, தாய்மார்களுக்கு, இளைஞர்களுக்கு அற்புதமான நலத்திட்டங்களை கொடுத்து வருகிறார். மகத்தான வெற்றியை நாளை நாற்பது தொகுதிகளிலும் திராவிட முன்னேற்றக் கழகம் வெல்லும். இதனை மக்கள் கொடுப்பார்கள். இந்தியா கூட்டணி ஆட்சி அமைக்கும். தமிழகத்தில் மகத்தான வளர்ச்சியை அனைத்து துறைகளிலும் முதலமைச்சர் செய்து காட்டுவார். பல மடங்கு திட்டம் அற்புதமான செய்து காட்டுவார். கோவைக்கு தேர்தல் வாக்குறுதி செய்தது போல, மிகப் பெரிய வளர்ச்சி, சிறு குறு தொழில்களில் பெரிய விடியல் அடுத்த கட்டமாக காத்திருக்கிறது. இரண்டு ஆண்டுகள் இதுவரை கண்டிராத திட்டங்கள் வரும்” எனத் தெரிவித்தார்.