/* */

ஆனைமலையில் குடும்பத்துடன் உறங்கும் காட்டு யானைகளின் புகைப்படம் வைரல்

குட்டி யானை உறங்க, பாதுகாப்பிற்காக அதனைச் சுற்றி 3 யானைகள் படுத்து உறங்கியுள்ளன.

HIGHLIGHTS

ஆனைமலையில் குடும்பத்துடன் உறங்கும் காட்டு யானைகளின் புகைப்படம் வைரல்
X

உறங்கும் யானைக் கூட்டம்

கோவை மாவட்டத்தில் பொள்ளாச்சி அருகே மேற்கு தொடர்ச்சி மலைகளில் ஆனைமலை புலிகள் காப்பகம் அமைந்துள்ளது. ஆனைமலை புலிகள் காப்பகம் பகுதிக்கு உட்பட்ட பொள்ளாச்சி, உடுமலை, டாப்சிலிப், வால்பாறை, மானம்பள்ளி உள்ளிட்ட ஆறு வனசரகங்கள் 960 சதுர கிலோமீட்டர் பரப்பளவில் உள்ளது.

இந்த வனப்பகுதிகள் யானைகள், புலிகள், சிறுத்தைகள், மான்கள், கரடிகள் உட்பட பல்வேறு வன விலங்குகளின் புகலிடமாக விளங்கி வருகின்றன. கடந்த சில மாதங்களாக கோடை வெயில் காரணமாக கடும் வறட்சி நிலவி வந்தது. இதனால் வனப்பகுதிகளில் உள்ள நீர் நிலைகல் வறண்டு காணப்பட்டது. இதனிடையே கடந்த சில நாட்களாக பெய்து வரும் தொடர் மழை காரணமாக, பசுமை மீண்டும் திரும்பி வருகிறது.

இந்த நிலையில் ஆனைமலை புலிகள் காப்பகத்திற்கு உட்பட்ட வனப்பகுதிகளில் ஒரு காட்டு யானைக் கூட்டம் உலா வருகிறது. குட்டியுடன் உலா வரும் இந்த யானைக் கூட்டம், அடர் வனப்பகுதியில் ஒரு இடத்தில் ஓய்வெடுத்துள்ளன. அப்போது குட்டி யானை உறங்க, பாதுகாப்பிற்காக அதனைச் சுற்றி 3 யானைகள் படுத்து உறங்கியுள்ளன.

குட்டி யானை உட்பட 4 காட்டு யானைகள் தரையில் படுத்து கால் நீட்டி உறங்க, ஒரு பெண் யானை உறங்கும் யானைகளுக்கு காவலாக நின்றிருந்தது. இந்த அழகிய காட்சிகளை அப்பகுதியில் இருந்த புகைப்படக்கலைஞர் வீடியோ எடுத்துள்ளார். இந்தக் காட்சிகளை தமிழ்நாடு வனத்துறை செயலாளர் சுப்ரியா சாகு தனது எக்ஸ் தளத்தில் வெளியிட்டுள்ளார். இந்தக் காட்சிகள் சமூக வலைதளங்களில் வைரலாகி வருகிறது.

Updated On: 16 May 2024 9:00 AM GMT

Related News

Latest News

  1. மேலூர்
    மதுரை அருகே செயல்படாத கல் குவாரிகளில் பள்ளங்களை மூட கோரிக்கை
  2. குமாரபாளையம்
    நடுவழியில் பழுதாகி நின்ற அரசு பேருந்து; ஏலேலோ ஐலசா போட்டு தள்ளிய...
  3. லைஃப்ஸ்டைல்
    40 வயதிலும் இளமையாக இருக்க என்ன செய்யணும் தெரியுமா?
  4. லைஃப்ஸ்டைல்
    கேரளா ஸ்டைலில் ருசியான மீன் குழம்பு செய்வது எப்படி?
  5. கிணத்துக்கடவு
    கோவையில், லாரி ஓட்டுநர்களிடம் வழிப்பறி செய்த 5 பேர் கைது
  6. லைஃப்ஸ்டைல்
    எருமைப் பாலில் இத்தனை ஆரோக்கியமான விஷயங்கள் இருக்குதா?
  7. லைஃப்ஸ்டைல்
    உங்களுக்கு சர்க்கரை நோய் இருக்கிறதா என்று எவ்வாறு கண்டறிவது?
  8. லைஃப்ஸ்டைல்
    குழந்தைகளுக்கு தீக்காயம் ஏற்பட்டால் செய்ய வேண்டியது என்ன?
  9. சூலூர்
    சூலூர் அருகே 2.5 கிலோ கஞ்சா பறிமுதல் ; 3 பேர் கைது
  10. லைஃப்ஸ்டைல்
    சில நேரங்களில் கை, கால் உணர்வில்லாமல் போகிறதா? - அதற்கு காரணம் இந்த...