கொரோனா குறித்து விழுப்புரத்தில் டாக்டர்கள் விழிப்புணர்வு பிரசாரம்

கொரோனா மூன்றாம் அலை பரவலின் தீவிரம் அதிகரித்து வரும் நிலையில் அதன் நிலை குறித்து விழுப்புரத்தில் இந்திய மருத்துவ சங்கம் விழுப்புரம் கிளை சார்பில் பொதுமக்களுக்கு விழிப்புணர்வு துண்டு பிரசுரங்கள் கொடுக்கும் நிகழ்ச்சி நடைபெற்றது.

நிகழ்ச்சிக்கு சங்க தலைவர் டாக்டர் எம்.செல்வராஜ் தலைமை தாங்கினார், செயலாளர் டாக்டர் குருநாத், பொருளாளர் வெங்கடேசன் ஆகியோர் முன்னிலை வகித்தனர்.

நிகழ்ச்சியில் நகராட்சி ஆணையர் சுரேந்திர ஷா கலந்து கொண்டு கொரோனா பரவலின் தீவிரம் மற்றும் தடுப்பு நடவடிக்கைகள், தடுப்பூசி குறித்து விளக்கி விழிப்புணர்வு ஏற்படுத்தும் வகையில் பேசினார். நிகழ்ச்சியில் சங்க டாக்டர்கள் பலர் கலந்து கொண்டனர்.