தேனி அருகே பசு மாட்டை விற்றதால் மனநலம் பாதிக்கப்பட்ட மூதாட்டி உயிரிழப்பு

தேனி கருவேல்நாயக்கன்பட்டி முத்துராமலிங்கதேவர் தெருவை சேர்ந்தவர் நல்லாயி (வயது75.) இவர் பசு மாடு வளர்த்து வந்தார். இந்த மாட்டை கடந்த ஆண்டு விற்று விட்டார். இதனால் மனநலம் பாதிக்கப்பட்ட மூதாட்டி விற்ற மாட்டிற்கு புல் அறுக்கப்போவதாக கூறி எங்காவது சென்று புல் அறுத்து விட்டு திரும்ப வருவார். திடீரென இவரை காணவில்லை. வீட்டில் தேடினர். பழனிசெட்டிபட்டி மக்காச்சோள தோட்டத்தில் மூதாட்டி இறந்து கிடந்தார்.

புல்அறுக்க சென்ற இடத்தில் ஏதோ பாதிப்பு ஏற்பட்டு இறந்திருக்கலாம், அவரது இறப்பில் சந்தேகம் இல்லை என குடும்பத்தினர் தெரிவித்தனர். பழனிசெட்டிபட்டி போலீசார் விசாரணை நடத்தி வருகின்றனர்.