இரண்டாம் நிலை காவலருக்கான உடல் தகுதி தேர்வு

2020 ஆம் ஆண்டு நடைபெற்ற இரண்டாம் நிலை காவலர் எழுத்துத் தேர்வில் தேர்ச்சி பெற்ற விண்ணப்பதாரர்களுக்கு வருகின்ற ஏப்ரல் 21 முதல் 28 வரை ராமநாதபுரம் மாவட்ட சேதுபதி விளையாட்டு மைதானத்தில் உள்ள மைதானத்தில் உடல் தகுதி தேர்வு நடைபெற உள்ளது.

மேலும் இரண்டாம் நிலை காவலர் தேர்வில் தேர்ச்சி பெற்ற நபர்கள் மைதானத்திற்கு வரும் முன்பு கண்டிப்பாக மருத்துவமனையில் கொரானா பரிசோதனை செய்து நெகட்டிவ் என்ற மருத்துவமனை சான்றிதழ்களுடன் 21ஆம் தேதி காலை ஐந்து முப்பது மணி அளவில் ராமநாதபுரம் சேதுபதி விளையாட்டு மைதானத்திற்கு செல்ல வேண்டுமென மாவட்ட காவல்துறையினர் தெரிவித்துள்ளனர்.