உதகையில் கால்வாயில் விழுந்த பசு மீட்பு

ஊட்டி-குன்னூர் சாலை நொண்டிமேடு சத்துணவு மைய பகுதியில் மழைநீர் செல்லும் வகையில் குழிதோண்டி கான்கீரிட் போடப்பட்டு உள்ளது. இந்த சிறிய கால்வாய் மூடப்படாமல் திறந்த நிலையில் இருந்தது. இந்நிலையில் நள்ளிரவில் அந்த வழியாக நடந்து சென்ற பசு ஒன்று தவறி கால்வாய்க்குள் விழுந்தது.

வெளியே வர முடியாமல் தவித்தது. இதுகுறித்து அக்கம்பக்கத்தினர் ஊட்டி தீயணைப்பு நிலையத்துக்கு தகவல் தெரிவித்தனர். உடனடியாக தீயணைப்பு வீரர்கள் சம்பவ இடத்துக்கு சென்று பொதுமக்கள் உதவியுடன் கயிறு கட்டி பசுமாட்டை வெளியே தூக்கி மீட்டனர். இதனையடுத்து மாட்டின் உடலில் ஏற்பட்ட காயங்களுக்கு சிகிச்சை அளிக்கப்பட்டது.