அனைத்து விவசாயிகளுக்கும் நகைக்கடன் தள்ளுபடி வழங்கக் கோரி ஆர்ப்பாட்டம்

கூட்டுறவுச் சங்கத்தில் நகைக் கடன் தள்ளுபடியில் உள்ள குளறுபடிகளை நீக்கக் கோரி, திருச்செங்கோடு அருகில் உள்ள கூத்தம்பூண்டி தொடக்க வேளாண்மை கூட்டுறவுக் கடன் சங்கம் முன்பு தமிழக விவசாயிகள் சங்கத்தினர் ஆர்ப்பாட்டத்தில் ஈடுபட்டனர்.

தமிழக விவசாயிகள் சங்க நாமக்கல் மாவட்ட தலைவர் பொன்னுசாமி போராட்டத்திற்கு தலைமை வகித்தார். எலச்சிபாளையம் ஒன்றியத் தலைவர் லோகநாதன், செயலாளர் ஜெயராமன் உள்ளிட்ட திரளான விவசாயிகள் ஆர்ப்பாட்டத்தில் கலந்துகொண்டு அனைத்து விவசாயிகளுக்கும் கடன் தள்ளுபடியை விரைந்து வழங்க வேண்டும் என்று கோஷமிட்டனர்.