அடையாளம் தெரியாத வாகனம் மோதி கூலித் தொழிலாளி உயிரிழப்பு

ஈரோடு மாவட்டம், அந்தியூரைச் சேர்ந்தவர் தினகரன் (40). இவரது மனைவி சத்தியா (34), இவர்களக்கு 2 மகன்கள் உள்ளனர். தினகரன் குடும்பத்துடன் சேந்தமங்கலம் அருகே உள்ள நாச்சிப்புதூரில் தங்கி, மரம் வெட்டும் தொழிலில் ஈடுபட்டு வந்தார்.

சம்பவத்தன்று தினகரன், நாச்சிப்புதூரில் இருந்து காரவள்ளிக்கு செல்லும் ரோட்டில் நடந்து சென்றார். அப்போது எதிரில் வந்த அடையாளம் தெரியாத வாகனம் அவர் மீது மோதியது.

இந்த விபத்தில் பலத்த காயமடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து சேந்தமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.