சேந்தமங்கலம் அருகே 3 மாடுகளை திருடிய பெண், ஆட்டோ டிரைவர் கைது

சேந்தமங்கலம் அருகே உள்ள தெற்கு திருமலைகிரி கிராமத்தைச் சேர்ந்தவர் சபாபதி (60), விவசாயி. அதே பகுதியைச் சேர்ந்த ராமசாமி, துரை ஆகியோரின் கறவை மாடுகள் சமீபத்தில் திருட்டுப் போனது. இதுகுறித்து சேந்தமங்கலம் போலீசில் சபாபதி அளித்த புகாரின் பேரில் போலீசார் வழக்குப்பதிவு செய்து மாடுகளை திருடி சென்றவர்களை தேடி வந்தனர்.

போலீசாருக்கு கிடைத்த தகவல்படி மாடுகளை திருடியதாக கிருஷ்ணகிரி மாவட்டத்தை சேர்ந்த ஆட்டோ டிரைவர் மணிகண்டன் (30), தர்மபுரி மாவட்டம் அரூர் அருகே பெத்தூர் பகுதியை சேர்ந்த சுலோசனா (28) ஆகிய இருவரையும் போலீசார் கைது செய்தனர். அவர்களிடம் இருந்து 3 கறவை மாடுகள் மற்றும் அவற்றை கொண்டு செல்ல பயன்படுத்திய ஆட்டோவையும் போலீசார் பறிமுதல் செய்தனர். பின்னர் கோர்ட் உத்தரவின்பேரில் மணிகண்டனை ராசிபுரம் கிளை சிறையிலும், சுலோசனாவை சேலம் பெண்கள் சிறையிலும் ரிமாண்ட் காவலில் அடைத்தனர்.