பைக்-லாரி மோதிய விபத்தில் ஒருவர் பலி, இருவர் படுகாயம்

குமாரபாளையம்: 

பள்ளிபாளையம் அருகே பைக், லாரி மோதிய விபத்தில் ஒருவர் பலியானதுடன், இருவர் படுகாயமடைந்தனர்.

பள்ளிபாளையம் அருகே பட்லூரை சேர்ந்தவர் வெங்கடேஸ்வரன், 28. எலெக்ட்ரிசியன். இவர் நேற்று மாலை தனது பைக்கில், தன் நண்பர்களான பெரியசாமி(21) வேலு(28), ஆகிய இருவரை பின்னால் உட்கார வைத்துக்கொண்டு, இறையமங்கலம் போய்விட்டு, ஊர் திரும்பிக்கொண்டிருந்தனர். அப்போது வழியில் உள்ள வளைவில் எதிரே வந்த லாரி, இவர்கள் வந்த பைக் மீது மோதியதில், பைக்கை ஒட்டி வந்த வேங்கடேஸ்வரன் சம்பவ இடத்தில் பலியானார். மற்ற இருவரும் படுகாயமடைந்த நிலையில் பள்ளிபாளையம் ஜி.ஹெச்.இல் சிகிச்சைக்காக சேர்க்கப்பட்டனர். இது குறித்து மொளசி எஸ்.ஐ. சதாசிவம் வழக்குபதிவு செய்து விசாரணை செய்து வருகிறார்.