லாட்டரி டிக்கெட் விற்றவர் கைது

பாரூர் அருகே தடை செய்யப்பட்ட லாட்டரி டிக்கெட் விற்றோரை கைது செய்த போலீசார், அவரிடம் இருந்து 5 டிக்கெட்டுகளை பறிமுதல் செய்தனர். கிருஷ்ணகிரி மாவட்டம் பாரூர் போலீஸ் எஸ்ஐ ராஜா மற்றும் போலீசார் அரசம்பட்டி பேருந்து நிறுத்தம் பகுதியில் ரோந்து சென்றனர். அப்போது அந்த பகுதியில் தடை செய்யப்பட்ட லாட்டரி டிக்கெட் விற்பனை செய்து கொண்டிருந்த அரசம்பட்டி கிராமத்தைச் சேர்ந்த சரவணன் என்பவரை கைது செய்த போலீசார், அவரிடம் இருந்து 5 டிக்கெட்டுகளை பறிமுதல் செய்து விசாரணை நடத்தி வருகின்றனர்.