சாலையில் நடந்து சென்ற முதியவர் மீது இருசக்கர வாகனம் மோதி விபத்து

கன்னியாகுமரி மாவட்டம் கருங்கல் சந்திப்பு பகுதியில் நகைக்கடையில் பணிபுரிந்து வரும் பத்மநாபன் என்பவர் நேற்று இரவு பணி முடிந்து வீட்டிற்கு செல்வதற்காக கடையில் இருந்து நடந்து சென்றார்.

அப்போது சாலையை கடக்க முயன்ற நிலையில் சாலையில் அதிவேகமாக வந்த இருசக்கர வாகனம் பத்மநாபன் மீது மோதியது, இதில் பத்மநாபன் தூக்கி வீசப்பட்டுள்ளார். இந்த விபத்தில் பத்மநாபனுக்கு தலையில் பலத்த காயம் ஏற்பட்டு சம்பவ இடத்திலேயே பரிதாபமாக உயிரிழந்துள்ளார்.

இது குறித்த தகவல் கிடைத்து வந்த உறவினர்கள் மற்றும் போலீசார் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். தற்போது இந்த விபத்து குறித்த சிசிடிவி காட்சிகள் வெளியாகி பரபரப்பை ஏற்படுத்தியுள்ளது.