சிறுவனின் கன்னியாகுமரி - சென்னை மாரத்தான்: அமைச்சர் துவக்கி வைப்பு

அனைவருக்கும் தரமான கல்வி, சுகாதாரமான உணவு, குடிநீர், வறுமை ஒழிப்பு, உதவும் எண்ணம், ஆரோக்கியம் உள்ளிட்ட 17 அம்சங்களை பொது மக்கள் மத்தியில் கொண்டு சென்று மக்களிடையே விழிப்புணர்வு ஏற்படுத்தும் வகையில் குமரியை சேர்ந்த சர்வேஷ் என்ற மாணவர் கன்னியாகுமரி முதல் சென்னை வரை 750 கிலோ மீட்டர் வரையிலான 10 நாட்கள் நடைபெறும் மாரத்தான் ஓட்டத்தை இன்று தொடங்கினார்.

காந்தி ஜெயந்தியான இன்று கன்னியாகுமரியில் உள்ள காந்தி மண்டபம் முன்பு தொடங்கிய இந்த மாரத்தான் ஓட்டத்தை தமிழக தொழில் நுட்பத்துறை அமைச்சர் மனோ தங்கராஜ் தொடங்கி வைத்தார். இந்த மாரத்தான் ஓட்டம் முடிந்த பின்னர் குமரியில் இருந்து ஆந்திராவுக்கு மாரத்தான் செல்ல இருப்பதாக மாணவர் சர்வேஷ் தெரிவித்தார்.