சித்தோடு அருகே இருசக்கர வாகனம் மோதி விபத்து: கூலித்தொழிலாளி உயிரிழப்பு

நாமக்கல் மாவட்டம், ஜேடர்பாளையம் பகுதியைச் சேர்ந்தவர் வரதன். இவர் ஈரோடு மாவட்டம் சித்தோடு அருகே உள்ள நசியனூர் பகுதியில் குச்சி கிழக்கு பிடுங்கும் கூலித்தொழில் செய்து வருகிறார்.

இந்நிலையில் அப்பாத்தாள் கோவில் பிரிவில் செல்லும் தேசிய நெடுஞ்சாலையில் நேற்று இரவு உணவு சாப்பிடுவதற்காக வரதன் சாலை கடக்க முயன்றுள்ளார். அப்போது, இருசக்கர வாகனம் மோதியதில் வரதன் தூக்கி வீசப்பட்டு சம்பவ இடத்திலேயே உயிரிழந்தார்.

இச்சம்பவம் குறித்து தகவலறிந்து சம்பவ இடத்திற்கு வந்த சித்தோடு போலீசார் உயிரிழந்த கூலித்தொழிலாளி சடலத்தை கைப்பற்றி ஈரோடு அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இருசக்கர வாகனத்தை ஓட்டி வந்த பவானி பகுதியை சேர்ந்த ரவிச்சந்திரன் என்பவரிடம் போலீசார் விசாரணை நடத்தி வருகின்றனர்.