உயர் கல்வி படிக்கும் மாணவ-மாணவிகள் ஊக்கத்தொகை பெற விண்ணப்பிக்கலாம்

ஈரோடு மாவட்டத்தில் தேசிய குழந்தை தொழிலாளர் திட்ட சிறப்பு பயிற்சி மையங்களில் படித்து பின்னர் அரசு அல்லது அரசு உதவிபெறும் பள்ளிக்கூடத்தில் எஸ்.எஸ்.எல்.சி. மற்றும் பிளஸ்-2 தேர்ச்சி பெற்று, தொடர்ந்து தொழில்நுட்ப கல்லூரி, தொழிற்பயிற்சி நிலையம், இளங்கலை பட்டம், பொறியியல் மற்றும் மருத்துவக்கல்வி, பிறஉயர் கல்விப்படிப்பு ஆகிய ஏதேனும் உயர் கல்வி படிக்கும் மாணவ-மாணவிகளுக்கு, தமிழ்நாடு அரசு ரூ.500 வீதம் மாதாந்திர ஊக்கத்தொகை வழங்க உள்ளதாக மாநில தொழிலாளர் ஆணையாளரால் தெரிவிக்கப்பட்டுள்ளது.

.2021-2022-ம் கல்வி ஆண்டிற்கான ஊக்கத்தொகை பெற தகுதி உள்ள ஈரோடு மாவட்டத்தை சார்ந்த தேசிய குழந்தை தொழிலாளர் திட்டத்தில் முன்னர் படித்த மாணவ -மாணவிகள் விண்ணப்பிக்கலாம்.

அதன்படி, தாங்கள் படித்த சிறப்பு பயிற்சி மையத்தின் பெயர், சிறப்பு பயிற்சி மையத்தில் படித்த வகுப்பின் விவரம், படிக்கும் கல்வி நிறுவனத்தின் பெயர் மற்றும் முகவரி, கல்லூரி முதல்வரின் அத்தாட்சி சான்று, எஸ்.எஸ்.எல்.சி. மற்றும் பிளஸ்-2 மதிப்பெண் பட்டியல் ஆகியவற்றின் 2 நகல்கள் மற்றும் 2 புகைப்படத்தோடு ஒருவாரத்துக்குள் தேசிய குழந்தை தொழிலாளர் திட்டம், மாவட்ட கலெக்டர் அலுவலகம், 6-வது தளம், ஈரோடு-638011 என்ற முகவரிக்கு நேரிலோ அல்லது அஞ்சல் வழியாகவோ விண்ணப்பிக்கலாம் என்று ஈரோடு   மாவட்ட ஆட்சியர்  கிருஷ்ணனுண்ணி தெரிவித்துள்ளார்.