அந்தியூர் அருகே கல்லூரிக்கு சென்ற மாணவி மாயம்

ஈரோடு மாவட்டம், அந்தியூர் அருகே உள்ள நகலூர் சின்னதம்பிபாளையத்தை சேர்ந்தவர் சண்முகம். இவரது மகள் வடிவுக்கரசி ஈரோட்டில் உள்ள சிக்கய்ய நாய்க்கர் கல்லூரியில் பி.காம் மூன்றாம் ஆண்டு படித்து வருகிறார்.

நேற்று கல்லூரிக்கு சென்று வருவதாக கூறிவிட்டு சென்ற வடிவுக்கரசி, இரவு வீடு திரும்பவில்லை. மகள் வீட்டுக்கு வராததால் உறவினர்கள் வீடு மற்றும் தோழிகள் வீட்டில் விசாரித்தும் எந்த பயனும் இல்லை.

இந்நிலையில், மாயமான கல்லூரி மாணவி வடிவுக்கரசியை காணவில்லை என அவரது தந்தை சண்முகம் அந்தியூர் காவல் நிலையத்தில் புகார் அளித்தார்.

புகாரின் பேரில் போலீசார் நடத்திய விசாரணையில், அதே கல்லூரியில் படிக்கும் நாமக்கல் மாவட்டம், வெப்படை பகுதியை சேர்ந்த தினகரன் என்பவருடன் சென்றது தெரியவந்தது.