ஈரோட்டில் நாளை அறிவிக்கப்பட்ட மின்தடை ஒத்திவைப்பு
ஈரோடு மற்றும் காசிபாளையம் துணை மின் நிலையத்தில் நாளை (மார்ச்.19) அறிவிக்கப்பட்டிருந்த மின் நிறுத்தம் ஒத்திவைக்கப்பட்டுள்ளது;
ஈரோடு மற்றும் காசிபாளையம் துணை மின் நிலையத்தில் நாளை (சனிக்கிழமை) அறிவிக்கப்பட்டிருந்த மின் நிறுத்தம் ஒத்தி வைக்கப்பட்டுள்ளது. இதுகுறித்து ஈரோடு மின்வாரிய செயற்பொறியாளர் ராமசந்திரன் வெளியிட்டுள்ள அறிக்கையில் கூறியிருப்பதாவது:-
ஈரோடு மற்றும் காசிபாளையம் துணை மின் நிலையத்தில் நாளை (19ம் தேதி) பராமரிப்பு பணிகள் காரணமாக காலை 9 மணி முதல் மாலை 5 மணி வரை மின் நிறுத்தம் செய்யப்படும் என அறிவிக்கப்பட்டிருந்தது. இந்த பராமரிப்பு பணிகளுக்கான மின் தடை சில நிர்வாக காரணங்களால் ஒத்தி வைக்கப்படுகிறது. தேதி பின்னர் அறிவிக்கப்படும் என தெரிவிக்கப்பட்டுள்ளது.