கோபிசெட்டிபாளையம் அருகே பெயிண்டர் தூக்கிட்டு தற்கொலை

ஈரோடு மாவட்டம், கோபிசெட்டிபாளையம் அருகே உள்ள நல்லகவுண்டன்பாளையம் பகுதியை சேர்ந்தவர் மகேஸ்வரன். பெயிண்டிங் தொழிலாளி. மகேஸ்வரனுக்கு மதுபழக்கம் இருந்து வந்ததாக கூறப்படுகிறது.

இதனால் இவருக்கும் இவரது மனைவி பூங்கோடிக்கும் இடையே அடிக்கடி தகராறு ஏற்பட்டு வந்தது. இந்த நிலையில், மகேஸ்வரன் மீண்டும் மது அருந்திவிட்டு வீட்டிற்கு சென்றுள்ளார். இதனை மனைவி பூங்கோடி கண்டித்துள்ளார். இதனால், மனமுடைந்த மகேஸ்வரன் வீட்டில் தூக்கிட்டு தற்கொலை செய்து கொண்டார்.

இதுகுறித்து பூங்கோடி அளித்த புகாரின்பேரில் கோபிசெட்டிபாளையம் போலீசார் விசாரணை நடத்தி வருகின்றனர்.