வெளிநாடுகளில் இருந்து ஈரோடு வந்த 36 பேர் தனிமைப்படுத்தி தீவிர கண்காணிப்பு
வெளிநாடுகளில் இருந்து ஈரோடு மாவட்டத்திற்கு வந்த 360 பேர் தனிமைபடுத்தப்பட்டு தீவிர கண்காணிப்பில் வைக்கப்பட்டுள்ளனர்.
பைல் படம்.
ஒமிக்ரான் தொற்று பரவல் காரணமாக, ஈரோடு மாவட்டத்தில் சுகாதார துறையினர் தேவையான தடுப்பு நடவடிக்கைகளை மேற்கொண்டு வருகின்றனர். இதன்படி,கடந்த டிசம்பர் 1-ம் தேதி முதல் நேற்று வரை 360 பேர் பல்வேறு நாடுகளில் இருந்து ஈரோடு மாவட்டத்திற்கு வந்துள்ளனர். இவர்கள் அனைவரும் வீடுகளில் தனிமைப்படுத்தப்பட்டு தீவிரமாக கண்காணிக்கப்பட்டு வந்தனர். இதில் 324 பேருக்கு 2-வது கட்டமாக கொரோனா பரிசோதனை மேற்கொள்ளப்பட்டது. இதில் யாருக்கும் பாதிப்பு இல்லை முடிவு என வந்துள்ளது. மேலும் 36 பேர் வீடுகளில் தனிமைப்படுத்தப்பட்டு தீவிர கண்காணிப்பில் உள்ளனர். இவர்களுக்கு இன்னும் ஓரிரு நாட்களில் 2-ம் கட்டமாக கொரோனா பரிசோதனை மேற்கொள்ளப்படும் என சுகாதாரத் துறையினர் தெரிவித்தனர்.