பெரியகொடிவேரி அருகே சட்டவிரோதமாக மது விற்றவர் கைது‌

ஈரோடு மாவட்டம் பெரியகொடிவேரி அருகே உள்ள தாசப்பகவுண்டன்புதூர் நால்ரோடு பகுதியில் சட்டவிரோதமாக மது விற்பனை நடைபெறுவதாக பங்களாப்புதூர் போலீசாருக்கு ரகசிய தகவல் கிடைத்தது. தகவலின்பேரில், போலீசார் அப்பகுதிக்கு சென்று கண்காணிப்பு பணியில் ஈடுபட்டனர்.

அப்போது அங்குள்ள மறைவான இடத்தில் இருசக்கர வாகனத்தில் மது விற்பனையில் ஈடுபட்ட சென்னியப்பன்நகரை சேர்ந்த கருப்புசாமி மகன் முருகேசன் என்கிற விஜயன் (32) என்பவரை போலீசார் கைது செய்தனர். மேலும், அவர் விற்பனைக்காக வைக்கப்பட்டிருந்த 27 மது பாட்டில்கள் மற்றும் இருசக்கர வாகனம் உள்ளிட்டவற்றை போலீசார் பறிமுதல் செய்தனர்.