அத்தாணி: மின் உராய்வு ஏற்பட்டு லாரியில் இருந்த வைக்கோலில் தீ விபத்து

ஈரோடு மாவட்டம் கோபிசெட்டிபாளையம் அடுத்த அத்தாணி அருகே உள்ள கள்ளிப்பட்டி கிளுவன்காட்டுத் தோட்டத்தை சேர்ந்தவர் சிவராஜ். இவரது தோட்டத்தில் இருந்து  நேற்று காலை வைக்கோலை ஏற்றி லாரி ஒன்று சென்று கொண்டிருந்தது.அப்போது அப்பகுதியில் இருந்த மின்கம்பி, வைக்கோல் போரில் உரசியதால் திடீரென தீ விபத்து ஏற்பட்டது.இதையறிந்த லாரி ஓட்டுனர் மற்றும் அப்பகுதியில் உள்ளோர் தீயை அணைக்க முற்பட்டனர்.

மேலும் அந்தியூர் தீயணைப்பு நிலையத்திற்கும் தகவல் கொடுத்தனர்.விரைந்து சென்ற அந்தியூர் தீயணைப்பு நிலைய வீரர்கள் சுமார் ஒரு மணி நேரத்திற்குப் பிறகு தீயை கட்டுக்குள் கொண்டு வந்தனர்.இந்த விபத்தில் லாரியின் பின்பக்க பாகங்கள் சேதமடைந்தது. இதேபோல் சுமார் 10 ஆயிரம் ரூபாய் மதிப்புள்ள வைக்கோலும் தீ விபத்திற்கு இரையாகியது. தகவலறிந்த வருவாய்த் துறையினர் சம்பவ இடத்திற்குச் சென்று ஆய்வு நடத்தினர்.