ஈரோடு: பங்களாப்புதூர் காவல் நிலைய தலைமை காவலர் மாரடைப்பால் உயிரிழப்பு

Heart Attack Death -ஈரோடு மாவட்டம், ஆர்.என்.புதூர் ஜவுளிநகரை சேர்ந்தவர் மாதேஸ்வரன் (55). இவர் டி.என்.பாளையம் அருகே உள்ள பங்களாப்புதூர் காவல் நிலையத்தில் தலைமைக் காவலராக பணியாற்றி வருகிறார்.

இந்நிலையில் உடல்நலக்குறைவால் தலைமைக்காவலர் மாதேஸ்வரன் கடந்த 9ம் தேதி முதல் மருத்துவ விடுப்பு எடுத்து ஈரோட்டில் உள்ள தனியார் மருத்துவமனையில் மருத்துவமனையில் சிகிச்சை பெற்று வந்தார்.

பின்னர், இன்று காலை மேல்சிகிச்சைக்காக சேலம் அரசு மருத்துவக்கல்லூரி மற்றும் மருத்துவமனைக்கு கொண்டு செல்லும் வழியில் நெஞ்சு வலி ஏற்பட்டு மாரடைப்பு ஏற்பட்டுள்ளது. இதனையடுத்து, மருத்துவமனைக்கு கொண்டு சென்றபோது அவரை பரிசோதித்த மருத்துவர்கள் ஏற்கனவே உயிரிழந்து விட்டதாக தெரிவித்துள்ளனர்.

தலைமை காவலர் மாதேஸ்வரன் மாரடைப்பால் இறந்த சம்பவம் பங்களாப்புதூர் காவலர்களிடையே சோகத்தை ஏற்படுத்தி உள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2